Пракурорам Аршанскага раёна распачата справа па ч. 1 арт. 210 КК (крадзеж шляхам злоўжывання службовымі паўнамоцтвамі) у дачыненні да дырэктара КУП "Аршанскае ПМС" (Прадпрыемства меліяратыўных сістэм). Кіраўнік прадпрыемства падазраецца ў крадзяжы будматэрыялаў больш чым на 7 млн. рублёў.
Санкцыя гэтага артыкула прадугледжвае пазбаўленне права займаць пэўныя пасады або займацца пэўнай дзейнасцю са штрафам, або абмежаванне волі на тэрмін да чатырох гадоў са штрафам, або пазбаўленне волі на тэрмін да чатырох гадоў са штрафам або без штрафу i з пазбаўленнем права займаць пэўныя пасады або займацца пэўнай дзейнасцю.
На сайце Аршанскага ПМС пазначана, што дырэктарам прадпрыемства з'яўляецца Крывін Андрэй Паўлавіч.
