З прычыны несуцяшальнай статыстыкі ў прамысловай галіне Віцебскага раёна, Андрэй Кабякоў з рабочым візітам наведаў прадпрыемства Аршанскага раёна. У студзені прадпрыемствы Віцебшчыны у параўнанні з папярэднім годам знізілі аб'ёмы вытворчасці і экспарт. А вось складскія запасы павялічыліся.
Згодна з рашэннем аб ручным рэжыме індывідуальнай працы з найбуйнейшымі прадпрыемствамі краіны урадам вызначаны пералік з 106, па якіх праводзіцца аналіз фінансавага стану і прымаюцца канкрэтныя рашэнні.
"У працэсе разгляду выявіліся дзве групы прадпрыемстваў. Першая - тыя, хто ведаюць, што робяць, не разгубіліся, разумеюць і адчуваюць свае рынкі. А другая група знаходзіцца ў разгубленасці, не бачыць будучыні без дзяржпадтрымкі і працуе на склад", - канстатаваў Андрэй Кабякоў .
Па першай групе прадпрыемстваў выпрацаваны неабходныя меры садзейнічання, перагледжаны бізнес-планы развіцця, банкамі вызначаны крыніцы фінансавання з улікам перспектыў і рынкаў збыту прадукцыі. Канкрэтныя планы будуць зацверджаныя. Сістэма комплексных мер ўключае рэфінансаванне крэдытнай запазычанасці з захаваннем гарантый урада, адтэрміноўку выплаты асноўнага доўгу па крэдытах і іншыя меры. Гэта стала магчымым дзякуючы таму, што прадпрыемствы выканалі шэраг патрабаванняў: жорсткая эканомія і аптымізацыя выдаткаў, выхад на рэнтабельную дзейнасць, вяртанне дэбіторскай запазычанасці, рэалізацыя запасаў гатовай прадукцыі, рэалізацыя інвестыцыйных праграм толькі пры наяўнасці пацверджаных крыніц.
Пры гэтым прэм'ер-міністр адзначыў, што па кожнаму прадпрыемству другой групы урадам таксама прапрацаваны рашэнні і прапановы.
Напрыклад, у Віцебскай вобласці разгледжаны 9 прадпрыемстваў - "Нафтан", "Віцебскдрэў", "Аршанскі льнокамбінат", "Віцебскэнерга", "Белвест", "Марка", "Энергакамплект", Глыбоцкі і Лепельскі малочна-кансервавыя заводы, з іх у другую групу трапіў толькі "Віцебскдрэў".
Гэтак жа ён пабываў у ААТ "Оршастройматериалы". На думку прэм'ер-міністра, прадпрыемства відавочна запознена з правядзеннем мадэрнізацыі. Зараз у яго складаная фінансавая сітуацыя, вялікая закрэдытаванасьць перад банкамі. «Не зусім правільнае гаспадаранне» - так ахарактарызаваў папярэдні этап у развіцці ААТ кіраўнік Урада. Зараз на прадпрыемстве плануюць адмовіцца ад нізкарэнтабельных вытворчасцей і ўсталяваць новую лінію па выпуску сценавых панэляў з ячэістага бетону. Магчыма, гэта дапаможа справіцца з праблемамі.
