Паводле інфармацыі нашага сайту, у Оршы перад гульнёй адбыліся па меншай меры чатыры бойкі паміж фанатамі. Разам з фанатамі "Дняпра" ў Оршу прыехалі прыхільнікі шклоўскага "Спартака", якія адзначыліся банэрамі на стадыёне. Адна з боек адбылася каля кавярні "Аршыца" на прыпынку грамадскага транспарту, аршанцы перамаглі дняпроўцаў. Яшчэ адно сутыкненне з перавагай фанатаў ФК "Орша" адбылося ў раёне ваенкамата, а вось у дварах за крамай "Рублёўскі", што ў палутара сотнях метраў ад стадыёна, ужо магілёўцы ўпэўнена перамаглі сваіх супернікаў. Яшчэ адно сутыкненне мела месца паблізу стадыёна і завяршылася ўмяшальніцтвам у справу АМАПу.
Па выніках боек некалькі фанатаў "Оршы" і "Дняпра" былі затрыманыя міліцыяй і на футбол не трапілі, адразу некалькі аршанскіх ультрас пакараныя штрафамі, а фанатаў "Дняпра", паводле нашай інфармацыі, выпусцілі без штрафаў.
