Супрацоўнікі наркакантроля і байцы спецпадраздзялення "Алмаз" атрымалі інфармацыю пра тое, што ў адной з кватэр па вуліцы Жудро арганізаваная "крама", дзе можна набыць наркотыкі. Інфармацыя пацвердзілася - наркагандляр быў затрыманы разам са сваімі суседзямі па кватэры, датычнасць якіх да крыміналу пакуль не даказаная. Студэнт-праграміст з Оршы не толькі прадаваў марыхуану іншым людзям, але і ўжываў яе сам.
У 26-гадовага аршанца канфіскавана 50 грамаў марыхуаны. Яму пагражае турэмнае зняволенне на 13 гадоў.
Марыхуана забаронена ў Беларусі, яна лічыцца наркотыкам. Яна з рознымі выключэннямі (часам не на ўсёй тэрыторыі і часам з абмежаваннем у вазе) легалізаваная ва Уругваі, Чэхіі, Бельгіі, ЗША, Партугаліі, Аргентыне, Аўстраліі, Бангладэш і нават Паўночнай Карэі.
