Бойкі футбольных фанатаў - звычайная справа, але праціўнікі заўсёды імкнуцца не афішаваць свае сутычкі - для гэтага выбіраюць непублічныя месцы, а заявы ў міліцыю адно на аднаго не падаюць. Таму факты боек рэдка даходзяць да праваахоўнікаў. Але перад нядзельным матчам паміж Тарпеда-Белаз і Оршай жодзінскія фанаты настолькі выйшлі за межв няпісаных правілаў, што ў выніку прывяло да завядзення крымінальнай справы за грабёж.
Фанаты, якія мэтанакіравана ехалі на футбол у Оршу патрапілі чыгуначным транспартам, але была і іншая частка "заўзятараў", якім былі цікавыя разборкі з мясцовымі фанатамі. У пошуках прыгодаў гэтыя фанаты, як паведамляюць сведкі, прыехалі ў горад на 6 аўтамабілях. Мясцовых супернікаў жодзінскія пабачылі на вуліцы Савецкай - двое непаўнагадовых фанатаў ФК Орша ішлі па вуліцы ў бок стадыёна. Атрыбутыкі, якая б выдавала іх прыналежнасць да фанацкага руху, на хлопцах не было, але адзін з іх нес вялікі барабан, па якім жодзінцы і палічылі маладзёнаў за сваіх супернікаў. Каля прыпынку "Дзіцячы садок" тарпедаўцы прыпыніліся і групай накінуліся на аршанцаў. У сваёй зводцы міліцыя паведамляе, што нападнікаў было двое, сведкі гавораць пра большую колькасць "байцоў". Нападаючыя павалілі аднаго з аршанцаў на асфальт і пачалі збіваць. Усё здарэнне адбывалася а 14-45 прама на вачах прахожых, якія і выклікалі міліцыю. Пасля экзекуцыі, жодзінцы забралі сабе барабан, залезлі ў заплечнік ахвяры і адтуль дасталі фанацкую атрыбутыку - шарф колераў клуба, майку з адпаведнымі лагатыпамі ды іншую дробязь. Але сярод атрымбутыкі, якую нападнікі забралі ў якасці трафеяў з заплечніка, знікла і 110.000 рублёў.
За стырном аднаго з аўтамабіляў сядзела жанчына, якая, спрабуючы хутка з'ехаць, уключыла заднюю перадачу, у той час як кіроўца, які стаяў за ёй, наадварот крануўся наперад - у выніку, у задняга аўтамабіля аказаўся прабіты радыятар. Менавіта па прабітаму радыятару, з якога пацякла вадкасць, міліцыянты вельмі хутка вылічылі кіроўцу аўтамабіля. Каб высветліць іншых удзельнікаў здарэння вялікіх высілкаў прыкладаць не давялося - усё гэта было справай тэхнікі. Ужо на наступны дзень следчы камітэт распачаў крымінальную справу па частцы другой артыкула 206. Падазраваныя - двое жодзінскіх рабочых 1995 і 1993 гадоў нараджэння
