Аршанскі прадпрымальнік "папаўся" на кантрабандзе. Ён меў 5,5 тысяч упаковак расейскай гарбаты і кавы без адпаведных дакументаў. Супрацоўнікі Камітэту дзяржаўнага кантролю і ДАІ спынілі мікрааўтобус "Опель", які быў цалкам загружаны.
Пры праверцы змесціва аўтамабіля высветлілася, што ў ім перавозіцца некалькі тысяч упаковак гарбаты і кавы. Паводле версіі супрацоўнікаў КДК і ДАІ, прадпрымальнік вёз каву і гарбату з Расеі ў Беларусь на гандаль, але не паклапаціўся пра наяўнасць хоць якіх суправаджальных дакументаў на свой тавар. Пачакі не мелі ідэнтыфікацыйных знакаў.
Кошт незаконнай прадукцыі дасягае 170 мільёнаў беларускіх рублёў. Яна канфіскавана, на парушальніка складзены пратакол у адпаведнасці з заканадаўствам.
