Руская праваслаўная царква (РПЦ) плануе ўзвесці ў гістарычным цэнтры Оршы званіцу побач з храмам Раства Прасвятой Божай Маці. У некаторых крамах Оршы ўжо размешчаны вялікія скрыні для збору грашовых ахвяраванняў з людзей. Храм Раства Прасвятой Багародзіцы быў узведзены ў Оршы ў 1691 годзе, але ў 60-я гады ХХ стагоддзя быў зруйнаваны. У 2000-я гады быў адноўлены і цяпер знаходзіцца, па іроніі лёсу, на вуліцы з назвай Савецкая. Побач з ім стаіць яшчэ адна праваслаўная царква – Свята-Міхайлаўская. Цяпер у планах РПЦ – пабудова званіцы побач з царквой, на выявах, размешчаным на скрынях, прыводзіцца прыкладны выгляд званіцы.
Такім чынам, кіраўніцтва праваслаўнай царквы мае вялікія планы на далейшую разбудову, храм Раства Прасвятой Божай Маці з пабудовай званіцы стане комплексам. Тым часам ёсць у гэтай гісторыі і незразумелыя рэчы: у валоданні праваслаўнай царквы даўно знаходзіцца Базылянскі манастыр, аднак яго рэканструкцыя не ідзе, колькі б лістоў не дасылала грамадскасць. Больш за тое, манастырскі комплекс дагэтуль не закансерваваны для таго, каб яго не руйнавалі пакрысе ападкі. Затое ў ахоўнай зоне побач з манастыром была пабудавана драўляная капліца. Сітуацыя даўно не вырашаецца.
Ясь
Чаго і варта было чакаць. Не нясіце грошы ў царкву, у папоў і так дастаткова машын.