У апошні дзень вясны, 31-га траўня, у Оршы адбудзецца мітынг салідарнасці з прадпрымальнікамі. ІП незадаволеныя ўмовамі, у якія іх ставіць дзяржава. Гэта звязана з сертыфікатамі на прадукцыю. У выніку прадпрымальнікам забаронена рэалізоўваць прадукцыю без належным сертыфікатаў.

ІП узімку хадзілі у райвыканкам, пісалі звароты і два месяцы не выходзілі на працу, і цэнтральны рэчавы рынак быў пусты. Аднак затым гандляры вярнуліся на свае месцы, бо іх грашовыя запасы істотна зменшыліся і таксама яны не бачылі імгненнага выйся з сітуацыі, у якой апынуліся.

Аднак цяпер яны зноў выходзяць на пратэсты. Падобныя акцыі пачаліся па ўсёй Беларусі. Мітынгі прадпрымальнікаў адбыліся ў Барысаве, Маладзечне і Жодзіне, у Жодзіне на акцыі быў затрыманы шэраг актывістаў, як паведамляла "Радыё Свабода". 4 чэрвеня мітынг запланаваны ў Баранавічах, а 31 траўня ён адбудзецца ў Оршы.

14 снежня на форуме прадпрымальнікаў у Менску многія ІП заявілі аб намеры вымушана прыпыніць сваю працу з 1 студзеня 2016 года ў сувязі з аб'ектыўнай немагчымасцю выканання патрабаванняў указа № 222 і тэхнічнага рэгламенту. Згодна з указам № 222 аб рэгуляванні прадпрымальніцкай дзейнасці, з 1 студзеня 2016 г. ІП павінны будуць рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі.

Вось мітынг аршанскіх прадпрымальнікаў праз некалькі дзён пасля Новага года на самым рынку. У канцы студзеня ІП пратэставалі ўжо каля Аршанскага райвыканкама.