Аршанскі рэгіянальны партал пачынае праект "Раёны Оршы ў фотаздымках". Мы ставім на мэце пазнаёміць гасцей нашага горада з раёнамі, якія ёсць у Оршы, зафіксаваць адметныя месцы кожнай часткі нашага старажытнага горада, у тым ліку і тыя месцы, будынкі, якія ў хуткім часе могуць знікнуць. Многія аршанцы, якія жывуць за мяжой і даўно не былі ў родным горадзе, атрымаюць магчымасць з дапамогай нашых фотагалерэй убачыць, як выглядае Орша ў 2016 годзе.
Безумоўна, адметнасці мае кожны з аршанскіх раёнаў. Многія фотаздымкі ўжо зробленыя і чакаюць сваёй чаргі на публікацыю. Першая фотагалерэя чакае чытачоў orsha.eu ужо ў бліжэйшы час. Заставайцеся з намі!
