У раёне Цагельнага заводу, які знаходзіцца непадалёк ад Андрэеўшчыны, у адной з крамаў некалькі месяцаў таму з’явілася скрыня для утылізацыі старых адпрацаваных батарэек. Інфармацыя на скрыні паведамляе жыхарам пра небяспеку выкідвання батарэек у простае смецце. Справа ў тым, што 1 батарэйка можа забіць 2 вожыкаў, а гэта шкода для навакольнага асяроддзя, прыроднай разнастайнасці.
Менавіта з-за гэтага жыхароў Оршы просяць збіраць батарэйкі толькі ў адмыслова адведзеныя кантэйнеры. Такіх у Оршы, прынамсі, тры – у краме “Старт” на вуліцы Камсамольскай, краме “Гарызонт” на Міру і краме “Доброном” у раёне Цагельнага завода.
