Пасля дэнамінацыі беларускага рубля ў аддзяленнях Белпошты доўга немагчыма было аплаціць паслугі камунальнай гаспадаркі, інтэрнэта, мабільнай сувязі з дапамогай адмысловых апаратаў. Яны былі настроеныя толькі на старыя, недэнамінаваныя рублі. Цяпер апаратура наладжаная на новыя рэаліі і здольная прымаць як старыя, так і новыя купюры. На электронным табло паказваюцца сумы ў новых, дэнамінаваных рублях, плаціць можна новымі купюрамі і старымі. Мяркуецца, што плаціць за паслугі з дапамогай абодвух відаў грошай можна будзе да 1 студзеня 2017 года, пакуль старыя грошы не выйдуць са звароту.
Неналаджанасць апаратаў электроннай аплаты прыводзіла да вялікіх чэргаў на пошце, стварала нязручнасці работы паштовай службы. Цяпер гэтая праблема вырашана. Пры гэтым нельга забываць, што апараты прымаюць купюры, а не манеты.
