Ля перахода ў гандлёвы цэнтр Марка-Сіці ў Віцебску сядзіць 34-гадовы хлопец Аляксандр Шынкевіч. Яго сумную гісторыю распавёў "Віцебскі кур'ер". Аднойчы хлопец, які нарадзіўся ў Оршы, атрымаў цяжкую траўму. Здарылася гэта ў расейскім Санкт-Пецярбургу, дзе ён пэўны час жыў з жонкай і дачкой. На 8-га сакавіка ён стаяў са сваім сябрам на прыпынку, паслізнуўся аб бардзюр і левая нага з'ехала пад колы тралейбуса.

Чатыры адкрытыя пераломы, і ў выніку Аляксандр адправіўся ў клініку ваенна-палявой хірургіі. нагу там сталі аднаўляць, перасадзілі скуру, аднак вярнуць ранейшую рухомасць ужо не было магчымым. Як адзначыў Аляксандр у размове з журналістам газеты, раз на год ён ездзіць на лячэнне ў санаторый у Юрцаве. Аднак эфектыўнага лячэння не атрымлівае. Жыве Аляксандр на 130 рублёў на месяц, менавіта столькі складае ягоная пенсія. Жонка з ім развялася, а колішняя цешча набыла яму квіток з Санкт-Пецярбурга ў родную Оршу. Цяпер інвалід 3-й групы жыве ў Віцебску з дзяўчынай, з якой пазнаёміўся пасля траўмы. Узімку ён жыве "затворнікам" у кватэры, харчуецца пераважна гарохам і макаронай. Працу, нават вартаўніком, пакуль знайсці не атрымліваецца. А максімум, колькі ўдаецца атрымаць за дзень, просячы "міласціну", - 20 рублёў. Гэтага хапае, каб купіць ежы.

Цалкам матэрыял можна прачытаць на сайце "ВК".