Орша, Грамадства

У Смаленск - на міжнародным аўтобусе , а можна і ... на плыце

30.01.2014 23:21

2875 праглядаў, 1 каментар

У 2014 годзе адкрыецца рэгулярны міжнародны аўтобусны маршрут « Смаленск - Орша».

Ажыццявіцца ён у рамках падпісанага на днях паміж Віцебскай і Смаленскай абласцямі плана сумесных мерапрыемстваў па гандлёва -эканамічным , навукова -тэхнічным і гуманітарна -культурным супрацоўніцтве на 2014-15 гады . Орша задзейнічана таксама ў планавых мерапрыемствах у галіне культуры - будзе распрацаваны і праведзены міжнародны турыстычны фестываль - сплаў на плыце па рацэ Днепр « Новая плынь». Да 70- годдзя Перамогі ёсць намер абодвух бакоў распрацаваць новы турыстычны маршрут па месцах баявой славы. Супрацоўнічаючы ў сферы аховы здароўя , беларускія медыкі , у тым ліку і аршанскія лекары , змогуць прайсці сертыфікацыю на права ажыццяўлення медыцынскай дзейнасці ў Расіі і прыняць удзел у дыспансэрных прафілактычных аглядах насельніцтва Смаленскай вобласці. Аршанцы будуць і ў складзе выязных брыгад для аказання неадкладнай хірургічнай і рэанімацыйнай дапамогі па выклікам лячэбных устаноў Смаленскага рэгіёну. Медыкі са Смаленска , у сваю чаргу , змогуць прайсці пераддыпломную падрыхтоўку ў лячэбных установах Віцебшчыны. Што тычыцца эканамічнага ўзаемадзеяння , то тавараабарот паміж Смаленскай і Віцебскай абласцямі мяркуецца падвоіць.