Спецыяліст камерцыйнай фірмы, зарэгістраванай у Менску, прысуджаны да 3-х гадоў калоніі і штрафу за махляства ў дачыненні да працадаўцы. 31-гадовы жыхар Оршы з сакавіка па снежань 2013 года працаваў спецыялістам па оптавым продажы і нанёс фірме матэрыяльную шкоду сваімі дзеяннімі ў 68 мільёнаў недэнамінаваных рублёў (паводле актуальнага курсу – 3,5 тысячы даляраў, паведамляе БЕЛТА). Мужчына-махляр прадастаўляў заведама ілжывыя звесткі пра пастаўку кандытарскіх вырабаў на адрас розных індывідуальных прадпрымальнікаў. Па накладных на прадукцыю ён атрымоўваў самі кандытарскія вырабы ад кіроўцаў фірмы, пасля чаго ўносіў інфармацыю пра дастаўку ў неабходныя для гэтага дакументы. Пры гэтым імёны прадпрымальнікаў былі выдуманыя. Прадукцыяй аршанец распараджаўся як хацеў.
Была пачата крымінальная справа па артыкуле “Махлярства”, і суд Оршы і Аршанскага раёна вынес вырак: 3 гады зняволення ў папраўчай калоніі ўзмоцненага рэжыму з пазбаўленнем права працаваць на пасадах, звязаных з захоўваннем ці размеркаваннем матэрыяльных каштоўнасцяў на той жа тэрмін; штраф у памеры 2100 рублёў пасля дэнамінацыі. Акрамя таго, у асуджанага канфіскавана маёмасць. Прычыненая матэрыяльная шкода часткова вернутая.
