Крадзеж даволі буйной сумы грошай здарыўся ў Оршы. Кіраўнік таварыства з абмежаванай адказнасцю з Магілёва быў у нашым горадзе праездам. Выпадкова ён пакінуў гаманец на крэсле, а сам сышоў. 38-гадовая сяльчанка з вёскі Заслонаўка Аршанскага раёна села на ягонае месца і ўбачыла нечаканае "шчасце". Незаўважна забраўшы партманэ з грашыма, жанчына пайшла і села ў сваю электрацыю, адправілася ў родную вёску. А ў гаманцы было сваё "эльдарада": па звестках СБ, у гаманцы знаходзіліся 1,2 тысячы даляраў ЗША, 500 еўра, 50 тысяч расейскіх рублёў і 300 беларускіх рублёў.
Аднак за падобныя дзеянні надыходзіць і адказнасць. Камеры відэаназірання на чыгуначным вакзале Оршы паказалі, што жыхарка Заслонаўкі нават не спрабавала знайсці гаспадара партманэ, а наадварот, пастаралася максімальна хутка пакінуць будынак вакзала. Супрацоўнікі органаў унутраных спраў знайшлі жанчыну ў яе вёсцы, на той момант яна патраціла ўжо частку грошай, што былі скрадзены. За таемнае скраданне чужой рэчы жанчыне пагражае да 3-х гадоў турэмнага зняволення.
