"На двары люты.Сярэдзіна зімы, а ў некаторых кватэрах ацяплення як не было. Спачатку ацяпляльнага сезона ў кватэры № 51 у доме № 54 па вул. Міра ацяпленне лічыцца толькі на паперах. З 26 снежня, у самыя маразы перасталі цалкам абагравацца радыятары ацяплення ў кухні і спальні. Работнікі ЖЭУ-5 па заявах пісьмовай і вуснай наведваюць кватэру штодня. 30 снежня склалі акт: у залі (дзе грэюць батарэі) +15, у спальні + 11, у кухні +14. тройчы ў кватэры працавала зварка: выразалі вентылі, праверылі праходнасць ў крэставінах, знялі і прамылі радыятары. А ацяплення ўсё роўна няма.
У кватэры 51 пражывае пенсіянерка, інвалід II групы агульнага захворвання (пасля інсульту), проста пажылы чалавек.
А прычына вельмі простая. У кватэры № 47 размешчанай ніжэй паверхам выканана самавольнае пераабсталяванне сістэмы ацяплення. Замянілі сталёвыя трубы вертыкальнай разводкі ацяплення на трубы з поліпрапілена (у якіх ўнутраны дыяметр менш чым у сталёвых), тым самым парушылі цыркуляцыю цепланосбіта па ўсім стаяку.
На мае шматразовыя пісьмовыя звароты ў розныя інстанцыі ад работнікаў ЖЭУ-5 ідуць толькі адпіскі. Апошнюю атрымала сёння. Аказваецца ў нас наладжана сістэма ацяплення. Разгадка ў іншым: кватэру № 47 у 2013 годзе набыў Пац Дзмітрый Віктаравіч сваяк нам. старшыні Аршанскага райвыканкама.
Так што ім усё можна, а на простых грамадзян, тым больш старых, пляваць. Хай мерзнуць?"
Ад рэдакцыі: мы не можам пацвердзіць, што праблема дадзенага дома менавіта ў пераабсталяванні сістэмы - гэта толькі меркаванне чытача , якое мы публікуем для абмеркавання. Але пасля некалькіх тэлефонных званкоў зробленых жыхарам названага дома можам пацвердзіць - праблема існуе рэальна і выправіць сітуацыю ў камунальных службаў пакуль так і не атрымалася.
