У Менску затрыманы 36-гадовы жыхар Оршы, які, па меркаванні супрацоўнікаў унутраных спраў, прыехаў у сталіцу з мэтай продажу гашыша. Пры чалавеку знойдзена болей за 60 грамаў гашыша, які, як усталявана, быў завезены ў Беларусь з тэрыторыі Расеі. Пры асабістым даглядзе пры мужчыне знойдзены тавар, пачата крымінальная справа. Затрыманы мужчына працуе на адным з заводаў. Раней да крымінальнай адказнасці ён не прыцягваўся. Цяпер яго падазраюць у збыце наркатычных сродкаў, яму пагражае ад 5 да 8 гадоў турэмнага зняволення.
За апошні час з Оршай былі звязаныя яшчэ дзве справы з наркотыкамі. У лютым 47-гадовы аршанскі наркаман пры прыбыцці супрацоўнікаў міліцыі праглынуў упакоўку з метадонам. А ў сакавіку 55-гадовы аршанец быў затрыманы з яшчэ двума людзьмі ў падазрэнні ў перавозцы таго ж метадона. Варта адзначыць, што вельмі часта наркатычныя сродкі пранікаюць на тэрыторыю Беларусі з суседняй Расеі.
