Дарожна-транспартнае здарэнне адбылося ў Воршы 27 красавіка прыблізна ў 13.30 каля дома №56 па вуліцы Шаўчэнка. Жанчына 1983 года нараджэння, якая кіравала транспартным сродкам, аўтамабілем маркі "Хундай Санта-Фэ", пры здзяйсненні правага павароту, здзейсніла наезд на пенсіянерку 1933 года нараджэння, якая ў той момант пераходзіла праезджую частку па рэгуляваным пешаходным пераходзе на дазваляльны сігнал святлафора.
У выніку наезду пенсіянерка атрымала цялесныя пашкоджанні і была шпіталізавана ў Аршанскую гарадскую бальніцу №1 ім. Сямашка. Па факту ДТЗ праводзіцца праверка.
