У Віцебскім абласным судзе разгледжана справа пра жудаснае забойства, якое адбылося ўлетку 2016 года. Тады 22-гадовы аршанец забіў 26-гадовага земляка цвікадзёрам. Сварка паміж мужчынамі разгарэлася пасля сумеснага застолля, у выніку гаспадар кватэры схапіў металічны лапчаты цвікадзёр і прыняўся біць ім свайго госця. У сукупнасці ахвяры былі нанесены 14 удараў, ад якіх мужчына сканаў. Забойца захінуў труп у дыван і спрабаваў незаўважна вынесці яго з кватэры, аднак на выхадзе з пад'езда злачынца быў затрыманы міліцыяй.
Падчас судовага разбіральніцтва падсудны часткова прызнаў сваю віну. Суд пастанавіў, што аршанец вінаваты ў наўмысным забойстве, здзейсненым з асобай жорсткасцю. 22-гадовы мужчына быў прызнаны вінаватым і асуджаны па пункце 6 часткі 2 артыкулу 139 Крымінальнага кодэкса Рэспублікі Беларусь. Асуджаны атрымаў 15 гадоў пазбаўлення волі і будзе накіраваны ў папраўчую калонію ўзмоцненага рэжыму. Зрэшты, пакуль у асуджанага яшчэ ёсць час абскардзіць прысуд.
