Інцыдэнт адбыўся яшчэ 25-га красавіка. Малады чалавек каля гадзіны ночы ехаў на машыне Мэрсэдэс адной са службаў таксі. Наколькі нам стала вядома, аніякага відавочнага канфлікту паміж кіроўцам і маладым пасажырам не адбывалася. Хлопец толькі сказаў, што таксіст праехаў міма патрэбнага яму прыпынку і тут жа выйшаў з машыны... на поўным хаду. Пры павароце з прашпекта Тэкстыльшчыкаў на вуліцу Шклоўскую ён вываліўся з машыны на асфальт. Усё адбылося так нечакана і хутка, што і таксіст зрэагаваць не змог. Са шматлікімі пераломамі і разбітай галавой 23-гадовы хлопец быў дастаўлены ў бальніцу, дактары адразу сказалі, што шансаў на выжыванне няма і мелі рацыю: 29-га красавіка ён памёр.
Смерці маладых людзей звычайна прыцягваюць да сябе шмат увагі, але, нажаль, не рэдкія. 23-га чысла на вуліцы Перакопскай па месцы свайго жыхарства быў знойдзены труп 25-гадовага хлопца. Падобна на тое, што смерць не была выклікана натуральнымі прычынамі, але і дакладана сказаць чаму спынілася маладое жыццё пакуль ніхто не змог.
