Орша, Здарэнні

Асуджаны за голы азадак

12.05.2017 21:08

3881 прагляд, 5 каментароў

Наведвальнік гульнявога клуба асуджаны за дэманстрацыю свайго голага азадка дзяўчыне-адміністратару.

Пазней на судзе ён заявіць, што пасварыўся са сваёй дзяўчынай, напіўся і пайшоў на нервах у гульнявы клуб. Так ці іначай, у гульнявым клубе 24-гадовы мужчына ўчыніў дэбош: пасварыўся з дзяўчынай-адміністратарам і разбіў дзверы. Акрамя таго, мужчына спусціў штаны і прадэманстраваў голы азадак адміністратарцы, а затым тое ж паўтарыў для відэакамеры на выхадзе з клуба. Каля 1,5 месяцаў мужчына правёў пад арыштам, у выніку суд вынес свой вырак: штраф звыш 1,2 тысячы рублёў. Раней мужчына ўжо прыцягваўся да адміністрацыйнай адказнасці за дробнае хуліганства, парушэнне грамадскага парадку і да крымінальнай, калі ўхіляўся ад прызыву на службу ў войску. Цяпер за дэманстрацыю свайго голага цела новае пакаранне.