У раёне Усходняй 12-га і 14-га чысла адбыліся даволі падобныя аварыі. Так, вечарам 12 чысла два легкавіка сутыкнуліся на скрыжаванні вуліцаў Кірава і Пагранічная. Адзін легкавік урэзаўся ў багажнік другому. Па словах відавочцаў, у адным з легкавіку за стырном знаходзіўся супрацоўнік ДАІ ў штацкім.
14-га чысла ў гэтым жа раёне, але па іншы бок чыгункі адбылася вельмі падобная аварыя. Тут, такім жа чынам - бамперам у багажнік - сутыкнуліся мікрааўтобус і легкавік (на фота). У абодвух выпадках пацярпелых няма.
Але адно здарэнне ледзь не стала трагічным. Яно таксама адбылося 12 чысла днём. На вялікім скрыжаванні Флёрава і 60 год БССР дзве жанчыны пераходзілі дарогу па пешаходным пераходзе - той пераход які знаходзіцца бліжэй да прыпынку 1-ы Мікрараён у бок Ільнокамбіната. Ісці яны пачалі амаль адначасова, але з розных бакоў дарогі. У гэты момант з боку прыпынку "Дом быту" да скрыжавання пад'ехаў аўтобус №13, кіроўца якога бачыў перад сабой абедзвюх жанчынаў і таму спыніўся перад пераходам. На вялікай хуткасці ў гэты ж самы час да пераходу пад'язжаў і чорны легкавік. Кіроўца легкавіка бачыў толькі адну жанчыну (якая ішла па частцы пераходу не закрытай спыніўшымся аўтобусам) і, не падумаўшы што з іншай часткі пераходу таксама мог быць пешаход, не скідваючы хуткасці, пайшоў на абгон аўтобуса па суседняй паласе. Жанчына таксама не магла бачыць аўтамабіль. Усё гэта адбывалася за лічаныя секунды, а на самім пешаходным пераходзе паміж жанчынай (яна, дарэчы, таксама бегла і не планавала спыняцца) і аўтамабілем адлегласць аказалася ў лічаныя сантыметры. Калі б жанчына паспела зрабіць яшчэ адзін крок то пры такой хуткасці яна, адназначна, загінула б. Пры гэтым вінаваты быў бы кіроўца - ён мусіў затармазіць перад пешаходным пераходам, пабачыўшы, што аўтобус, прапусціўшы пешахода, не працягнуў рух. Па нашай інфармацыі, жанчына маці двух дзяцей.
