Сайт top9.by, які спецыялізуецца на інтэрнэт-апытаннях праводзіць новае апытанне "рэйтынг гарадоў". У апытання няма нейкіх крытэраў ацэнкі, любы чалавек па сваім меркаванні можа прагаласаваць за любы горад. У выніку, на сёняшні дзень у рэйтынгу гарадоў прагаласавала больш за 10.000 карыстальнікаў інтэрнэту. Але Орша з такой колькасці галасоў (па стане на ўчорашні дзень) мае ўсяго толькі... 16. І знаходзіцца на 45 месцы паміж Горкамі (44 месца) і Светлагорскам (47 месца).
На дзіва, на першым месцы ў апытанні знаходзіцца зусім не буйны горад, а Ганцавічы з 1551 голас, на другім месцы буйны Бабруск (1186) і на трэцім Баранавічы (985).
Варта мець на ўвазе, што галасаванне на сайце адбываецца з дапамогай сацыяльных сетак. Пакідаючы свой голас вы дазваляеце сайту пакінуць на старонцы свайго акаўнта паведамленне пра апытанне.
