На сустрэчу ў горад Дубна з Аршанскага інструментальнага завода паехалі намеснік дырэктара Таццяна Драбышэўская і намеснік галоўнага інжынера Барыс Левін. Наша прадпрыемства плануе пасля мадэрнізацыі павялічыць колькасць пастаўляемай прадукцыі у Дубну. Для таго каб даведацца, што яшчэ патрэбна мясцовым прадпрыемствам і была наладжана сустрэча паміж аршанцамі і кіраўніцтвам прадпрыемстваў Падмаскоўя з мясцовай асаблівай эканамічнай зоны.
Дубна - горад, які геаграфічна знаходзіцца на самым ускрайку Маскоўскай вобласці. У свой час яго імкнуліся пераўтварыць у так званы навука-град, таму сёння ў горадзе пры 75.000 насельніцтва, знаходзяцца прадстаўніцтвы некалькіх ВНУ, навукова-даследчых інстытутаў і даволі шмат прадпрыемстваў, якія спецыялізуюцца на металаапрацоўцы. У гонар Дубны нават названы адзін з хімічных элементаў.
Пра візіт паведаміла газета "Вести Дубны".
