Ідэю стварэння філіяла Аршанскага мясакамбіната ў Запарожскай воблаці агучыла для ТАСС намесніца кіраўніка расейскай акупацыйнай адміністрацыі Запарожскай вобласці Святлана Шаўчэнка. Хаця яе словы выклікалі пэўны інтарэс у беларускіх СМІ, напэўна, ў сур’ёз іх успрымаць няма сэнсу. Расея хаця і абвесціла Запарожскую вобласць сваёй тэрыторыі, але так і не змагла яе захапіць ды не кантралюе нават сталіцу вобласці. Да таго ж менавіта на Запарожскай частцы фронта ідзе — хоць і марудна — найбольш масіраваны контрнаступ Украіны.
Таму словы расейкай чыноўніцы можна расцэньваць або «імітацыяй бурнай дзейнасці» за якой нічога не стаіць. Або спробай скрасці грошы: бюджэт выдзяліць датацыі на будаўніцтва, тэрыторыя вернецца пад кантроль Украіны, нічога пабудавана не будзе, а грошы быццам бы будуць патрачаны.
