Стала вядома, што да Аршанскага ільнокабінату дадалі Баранавіцкае баваўнянае прадпрыемства. Для пачатку раскажам пра яго. Гэта адзін з лёгкапрамысловых савецкіх гігантаў. У рамках планавай эканомікі (калі людзі не маглі выбіраць які тавар купіць) прадпыремства пастаўляла прадукцыю на ўвесь СССР. Але ва ўмовах рынкавай эканомікі, яно не змагло вытрымаць канкурэнцыю і паступова стала скатвацца да банкруцтва. Так, у 1994 годзе, калі Лукашэнка стаў прэзідэнтам, на ім працавала каля 9.000 чалавек. Цяпер на прадпрыемстве парцуе каля 1.000 чалавек. І гэта пры тым, што ў прадпрыемства рэгулярна ўкідвалі бюджэтныя датацыі.
Ільнокамбінат таксама прадпрыемства не паспяховае. дзесяцігоддзямі ён атрымлівае дзяржаўныя датацыі і моцна закрэдытаваны. Толькі ў гэтым годзе ён атрымаў ужо дзве датацыі ад дзяржавы на абслугоўванне сваіх крэдытаў.
Пару год таму да льнокамбінату далучылі збанкрутаваную фабрыку мастацкіх вырабаў, цяпер далучылі прадпрыемства, якое на мяжы банкруцтва. І пры гэтым, не Ільнокамбінат фінансуе іх, а сам ільнокамбінат карыстаецца дзяржаўнымі фінансамі і ўсё больш залазіць у пазыкі.
