Пікет павінен быў прайсці 25 сакавіка ў чарговую гадавіну абвяшчэння незалежнасці Беларускай Народнай Рэспублікі. На гэты раз ініцыятары мерапрыемства падалі заяўкі не ў выканкам, а спачатку прапанавалі спецаўтабазе, цэнтральнай паліклініцы і РАУС заключыць дамовы на абслугоўванне пікета.
Адказы прыйшлі прадказальныя. Спецаўтабаза адмовіла ў заключэнні дамовы спаслаўшыся на тое што "...после таяния снега все рабочие предприятия максиммально задействованы" і дадала, што такую дамову можна заключыць і з іншымі прадпрыемствамі ў якіх ёсць права на аказанне паслугаў па прыборцы тэрыторыі.
Цэнтральная палікліна заявіла што яны ўвогуле не могуць абслугоўваць масавыя мерапрыемствы - у спісе аказваемых платных паслугаў такога пункта няма.
А РАУС патлумачыў адмову тым што ў іх няма інфармацыі ад выканкаму пра дазвол пікету.
