Аддзел ідэалогіі, культуры і справаў моладзі Аршанскага раёну абвясціў тэндэр на закупку металадэтэктара арачнага тыпу для аховы грамадскай бяспекі пры правядзенні масавых мерапрыемстваў. Згодна з дакументацыяй, апублікаванай на сайце дзяржзакупак, металашукальнік павінен мець тры аўтаномныя зоны дэтэктавання і мець прапускную здольнасць 60 чалавек на хвіліну. Арыентаваная сума, якую патрацяць аршанскія ўлады з рэгіянальнага бюджэту — 10 430 рублёў. Пастаўка ў Оршу металадэтэктара мае адбыцца да верасня.
Для поўнай шчырасці варта адзначыць, што ў Беларусі тэрмін "прапускная здольнасць" больш чым умоўная. Досвед масавых мерапрыемстваў у Беларусі ў цэлым і ў Оршы ў прыватнасці паказвае, што насамрэч праз адну рамку металадэтэктара за хвіліну прапускаецца значна менш за 60 чалавек. Часта гэта адбываецца з-за таго, што міліцыя працягвае абшукваць кішэні чалавека, хаця ён выклаў усё на столік збоку ад рамкі і без сігналу прайшоў рамку.
Caша Фу гас
Меня раз мент так тщательно общупывал, что я чуть не блеванул от отвращения. После того никакие массовые мероприятия, где шмонают, не посещаю. Противно.