Нагадаем, што паводле генеральнага плану Оршы - грамадскае абмеркаванне якога нядаўна праходзіла ў горадзе - па месцах пахаванняў ахвяраў cталінскіх рэпрэсій павінны прайсці аўтамабільныя дарогі. Неабыякавыя людзі ўжо пісалі ў райвыканкам адпаведныя лісты: адзін з просьбай скарэктаваць генплан, другі з просьбай правесці тут паўнавартасныя даследванні пахаванняў да будаўніцтва дарогаў. На гэты раз актывсіты вырашылі даволі незвычайным чынам нагадць пра праблему - правесці вела-прабег у памяць ахвяраў cталінскіх рэпрэсіяў.

Актывісты розных дэмакратычных арганізацый сабраліся ў цэнтры з роварамі, адкуль і распачалі свой рух да ўрочышча "Харкаўскі лес". Ужо ў лесе іх сустрэў Юрка Копцік, які ў свой час даследваў тэму растрэлаў у гэтым урочышчы. Па тых сведчаннях, якія яму ўдалося сабраць у 1980-я - пачатку 1990-х гадоў ад старажылаў, тут растрэльвалі пераважна святароў розных канфесіяў. У лесе і сёння бачныя характэрныя яміны - былыя растрэльныя ямы, магілы якія пасля таго як парахнелы целы забітых пераўтвараліся ў паглыбленні. Пасля экскурсіі ўдзельнікі вела-прабегу ўсклалі кветкі ў памяць бязвінна забітых, а некаторыя засталіся і зрабілі прыборку некаторых найбольш забруджаных месцаў - з-за набліжэння мікрараёну, месцы растрэлаў пераўтварыліся ў месца адпачынку і ўжывання алкаголю.

Да велапрабегу далучыўся і 56-гадовы старшыня Аб'яднанай грамадзянскай партыі Анатоль Лябедзька.

На фота: старт прабегу з цэнтру

На фота: у лесе

На фота: экскурсія

На фота: удзельнікі трымаюць таблічкі: "Не вандальнай дарозе!", "Зберажэм лес, захаваем памяць!", "Супраць дарогі знішчаючай памяць!", "Без памяці і пакаяння толькі нелюдзі!"