Найбольш стабільным намеснікам застаецца Сяргей Мікалаевіч Пац. На пасадзе намесніка старшыні выканкаму ён знаходзіцца з часоў Лісоўскага і пры двух наступных старшынях выканкаму крэсла не мяняў. Вось ужо чацверты мэр, пры якім Пац курыруе пытанні эканомікі, камунальнай гаспадаркі ды прамысловасць.

Іншыя ж намеснікі мяняюцца. Так, цяпер з пасады сыйшоў доўгажыхар выканкаму Алег Смірноўскі. Ён пачынаў выканкамаўскую кар'еру з начальніка аддзела моладзі, дзе быў даволі доўгі тэрмін. Пры Лісоўскім быў прызначаны намеснікам старшыні - тады ён быў самым маладым намеснікам - і курыраваў пытанні моладзі, культуры, ідэалогіі, спорту ды г.д. Цяпер на яго месца прызначаны былы кіраўнік арганізацыйна-кадравага аддзелу Віктар Сцяпанавіч Калачоў.

Падвышэнне атрымаў былы галоўны архітэктар раёну Канстанцін Ігаравіч Селіванаў. Курыраваць ён будзе сферу дзейнасці адпаведную сваёй былой пасадзе: будаўнічая сфера, сувязь, транспарт і камунікацыі, дарожная гаспадарка і г.д.

Для пасады начальніка аддзела архітэктуры і будаўніцтва пакуль падыходзячай кандыдатуры не знойдзена. Выконвае абавязкі начальніка Вольга Аляксандраўна Латышава.

Яшчэ адным зацверджаным намеснікам стаў Уладзімір Віктаравіч Матвееў, якому дасталіся пытанні сельскай гаспадаркі.