Не так даўно ў Оршы зачынілася адна з самых вядомых кавярняў «Шырван». Але за некаторы час да таго ў тым жа раёне — амаль насупраць хлебзавода адчынілася новая кавярня — «Gray». Хаця з англійскай мовы назва кавярні перакладаецца як «шэры», шэрай гэтую установу назваць не магчыма. Кавярня сярод іншых аршанскіх вылучаецца вельмі ветлівым абслугоўваннем. Камусці такое абслугоўванне можа падасца, нават, навязліва ветлівым — вас сустракаюць ужо на ўваходзе, вітаюцца і праводзяць да століка.
Другое сур’ёзнае адрозненне — у кавярні ёсць свой паўнавартасны і даволі стылёвы сайт праз які можна забраніраваць столік, паглядзець меню і г.д. Што тычыцца меню, то кошты ў кавярні таксама адрозніваюцца ад сярэдне аршанскіх. Так, мясныя салаты каштуюць у сярэднім 8,50, а гарачыя стравы ад 8 да 16 рублёў. Па 16 рублёў, праўда, рэдкія для Оршы стравы з качкі, а не звыклай курыцы.
Кавярня размесцілася на вуліцы 1 мая па суседстве з СТА.
