Лідзія была чалавекам неверагоднай энэргіі. Бізнэсвумэн, грамадскі актывіст, каардынатар падітычнай кампаніі і цудоўны чалавек, які некалькі некалькі гадоў змагаўся са страшнай хваробай.
Ліда шмат разоў бывала ў Оршы — сюды яна наведвалася на розныя мерапрыемтсвы часцей чым у іншыя гарады вобласці і краіны. Гэтага вымагала яе грамадская пасада абласной каардынатаркі «Гавары праўду», якую яна займала з моманту стварэння кампаніі і да апошніх сваіх дзён. Некалькі год таму Лідзія захварэла на рак, але не толькі не кінула сваю грамадскую актыўнасць, не толькі не кінула займацца бізнэсам, але і актыўна пачала змагацца з хваробай. У некаторыя перыяды былі паляпшэнні здароўя, але хвароба ўсё адно аказалася мацней.
10 чэрвеня Лідзія памерла. Аршанская кааліцыя дэмакратычных арганізацый выказвае свае спачуванні родным і сябрам Лідзіі. Да спачуванняў далучаецца і рэдакцыя нашага сайту для якой Лідзія стала сапраўдным сябрам.
