Орша, Грамадства

Анархія — чэмпіёны (фота)

23.06.2019 11:41

2857 праглядаў, 0 каментароў

У Оршы скончыўся чацьверты сезон барных інтэлектуальных гульняў

Ужо чатыры гады два разы ў месяц у Оршы збіраюцца каманды, каб вызначыць хто ж з іх лепш валодае эрудыцыяй і логікай. Напачатку гэта была агульнарэспубліканская «Мазнабойна», а пазней з’явіўся і ўласны мясцовы прадукт — «Бітва розумаў». А кожны чэрвень інтэлектуальныя гульні праводзяць «Лігу чэмпіёнаў» — асаблівая гульня ў якой удзельнічаюць тыя каманды, якія хоць раз займалі першае месца напрацягу сезона. У гэты раз такіх камандаў набралося 7: «By.Лён» — 6 пермогаў за сезон, «Азяблая вавёрка» — 8 перамогаў, «Анархія» — 2 перамогі. І па адной перамозе ў камандаў: «Звяз», «План Б», «Пальцем в небо», «Noвая команда». Паралельна ў той жа гульне ў асобным заліку ішлі 8 камандаў, якія не мелі перамогаў у сезоне.

Гульня была на рэдкасць непрадказальная. Галоўныя прэтэндэнты на пермогу — паводле статыстыкі сезонных гульняў — «Азяблая вавёрка», «By. Лён» і «Анархія» стартанулі з ненадта высокімі вынікамі. З 11 магчымых балаў набралі не больш за 7 («вавёркі»), By. Лён — 5 балаў, Анархия — 4. Дарэчы, 4 балы — самы маленькі вынік за першы тур акрамя «Анархіі» атрымаў яшчэ і «Звяз». Здавалася б, усё так і застанецца — вавёркі і лён зноў зоймуць першыя месцы, як найбольш моцныя каманды, а самая цікавая гульня разгарнецца вакол трэцяга. Але ж не! Ужо ў другім туры найбольш балаў атрымаў Лён, Звяз і Новая каманда. ТРэці тур таксама застаўся за Звязам, які абагнаў лідзіруючых Вавёрак аж на тры балы (а ў папярэднім туры на 2,5). У трэцім туры свой поспех замацавалі Звяз, Вавёркі і Лён — яны і сталі лідарамі першай паловы гульні. Першае месца на гэтым этапе заняў «By. Лён», усяго на 0,5 балаў ад іх адстаў «Звяз» і толькі на трэцім месцы «Азяблая Вавёрка».

А, вось, у другім этапе гульні ў кожным туры найбольшы бал атрымлівала каманда «Анархія». З кожным турам анархісты атрымлівалі на 1 бал больш за бліжэйшых супернікаў, што дазваляла ім паступова падымацца ў турнірнай табліцы. Высокія вынікі атрымлівалі і іншыя лідары гульні — «Азяблая вавёрка» адыграла ў «Звяза» 1 бал, а «By.Лён» наадварот прайграў 1 бал «Звязу» і такім чынам апусціўся на дрёгое месца.

Але самую вялікую нечаканасць прынёс апошні тур — бліц: 8 пытанняў за якія можна атрымаць 36 балаў. Ва ўмовах, калі паміж лідарамі розніца ў балах была ў 1-2 балы, гэты тур быў самы важны для перамогі. І большасць камандаў не стала рызыкаваць у ім. У выніку быўшы на другім месцы «By.Лён» атрымаў у бліцы ўсяго 1 бал і тут жа выпаў з тройкі лідараў. «Звяз» і «Азяблая вавёрка» ўзялі ўсяго па 6 балаў, што можна было б лічыць найбольшым вынікам, калі б не 15 балаў атрымаўшых «Анархіяй». З 4 месца «Анархія» — якая не ўвайшла за ўсю гульню, нават, у першую тройку — адразу выйшла на первае месца і стала пераможцам «Лігі чэмпіёнаў». «Звяз» вярнуўся на другое месца, а «Азяблая вавёрка» — лідар сезона — спынілася на трэцім месцы. З другога заліку — камандаў, якія не мелі за сезон першых месцаў — першае месца заняла каманда «Мне просто спросить», другое — «С потолка» і трэцяе — «Комфортная команда».

Цяпер на лета «Бітва розумаў» сыходзіць на вакацыі і за два застаўшыхся летніх месяцы адбудзецца толькі адна, так званая «Чорная гульня».