Орша, Грамадства

На парад цяпер можна не ехаць

26.06.2019 07:56

3805 праглядаў, 3 каментара

Над Оршай на нізкай вышыні праляцелі расейскія бамбавікі

А 21-ай гадзіне вечара 25 чэрвеня над Оршай на нізкай вышыні праляцелі расейскія самалёты. Першымі ляцелі два чатырохвінтавыя самалёты бамбавікі-ракетаносцы — як мы змаглі апазнаць, хутчэй за ўсё, ТУ-95МС. Праз хвіліну за імі таксама на нізкай вышыні пайшлі тры франтавыя бамбавікі Су-34 — таксама нашая ацэнка.

Відавочна, што самалёты ляцелі ў бок Мінску для ўдзелу ў парадзе 3 ліпеня. Беларускае Міністэрства абароны паведамляла пра ўдзел названых мадэляў самалётаў у парадзе. Але дзіўна, што самалёты-бамбавікі ляцелі на даволі нізкай вышыні 1,5-2 кіламетры — для сучасных самалётаў гэта нізкая вышыня пры якой яны выкарыстоўваюць больш паліва чым пры палёце больш высокіх высотах.