У першы дзень святкавання Дня горада - 27 ліпеня - аршанскія бацькі і іх маленькія дзеці атрымаюць прыемны падарунак. У горадзе адкрыецца Цэнтар ранняга ўмяшальніцтва. Адкрыццё адбудзецца а 12-00 каля галоўнага ўваходу ў дзіцячую паліклініку на вуліцы Піянерскай. Менавіта на базе гэтай паліклінікі Цэнтар і будзе працаваць.
Цэнтар закліканы дапамагаць дзецям да трох гадоў уключна, якія жывуць не толькі ў Аршанскім раёне, але і ў суседніх Талачынскім і Дубровенскім. Тут немаўляткам будуць дапамагаць спецыялісты: неўролаг, педзіятар, лагапед і псіхолаг. Запіс на прыёмы да дактароў будзе ажыццяўляцца праз рэгістратуру паліклінікі.
