Пачалася гэтая доўгая гісторыя 8 чэрвеня — паведаміла жонка абвінавачанага парталу tut.by — на трасе М1. Сям’я з Масквы — муж, жонка і двое дзяцей 7 і 11 гадоў — паехалі ў Грэцыю на ўласнай машыне. Першая краіна якую трэба было праехаць — Беларусь. І ўжо тут масквічы атрымалі маленькую прыгоду з вялікімі наступствамі. На адной запраўцы дзесці пад Талачыном падарожнікі спынілі машыну. Галава сям’і пайшоў у прыбіральню і па дарозе знайшоў гаманец. Рассец аддаў гаманец касірам і сям’я паехала далей.

Пасля вандроўкі праз Еўропу на той жа машыне, тая ж сям’я ехала назад і зноў спынілася не далёка ад Талачына на запраўцы. Тут да іх падыйшлі міліцыянты і, праверыўшы дакуманты, паведамілі, што машына знаходзіцца ў вышуку, а мужчына падазраецца ў крадзяжы. Аказваецца, што гаманец, які знайшоў мужчына, належаў студэнту з Таджыкістана, які заявіў, што з гаманца знікла 100 даляраў. Мужчыну затрымалі, яго жонцы давялося некалькі дзён прабыць з дзецьмі ў Беларусі пакуль ішло разбіральніцтва. Сама яна сумняецца ў правільнасці абвінавачання, бо тое як яе муж знайшоў гаманец камеры на запраўцы зафіксавалі, але потым мужчына зайшоў у прыбіральню і ці даставаў ён там 100 даляраў ці не камеры бачыць не маглі.

Тым не меньш, сям’я палічыла за лепшае прызнаць віну і кампенсаваць студэнту грошы. Тады крымінальнуб справу перавялі ў адміністратыўную і пасля кампенсацыю і выплаты штрафу мужчыну адпусцілі.