Ужо палову месяца надвор’е на Аршаншчыне не спрыяе летняму адпачынку. Пастаянныя дажджы і нізкая як для лета тэмпература закрылі для нас купальны сезон датэрмінова. І канца гэтым дажджам, здаецца, не бачна. Але на гэтым тыдні ў нас з’явіцца шанец зноў адчуць лета.
Сіноптыкі Белгідраметцэнтра абнадзейваюць нас выходнымі. Ні ў чацьвер, ні ў пятніцу поводле прагнозу тэмпература паветра ні разу не падымецца вышэй за 21 градус. Увесь чацьвер над Оршай павінна ісці навальніца, якая працягнецца яшчэ і ў ноч з чацьвярга на пятніцу. А днём у пятніцу навальніца зменіцца безперапынным дажджом. Затое на суботу і нядзелю можна прагназаваць выхад на прыроду. Днём у суботу надвор’е стане сонечным і тэмпература падымецца да +23. У нядзелю яшчэ вышэй — да +24.
Захаваецца цеплыня і ў панядзелак. 22 ліпеня паветра прагрэецца аж да +27. Але папярэдні прагноз на аўторак 23 ліпеня зноў абяццае дажджы.
