У Воршы жыве вельмі хітры мужчына. Ён распрацаваў унікальны метад пагашэння даўгоў. Ня грашовымі сродкамі, а гаручым. Прычым не сваім.
Як распавялі ў прэс-службе УУС Віцебскага аблвыканкама, калі дадзены грамадзянін звальняўся з працы, забраў з сабой паліўную карту, па якой раней запраўляўся.
Праз некаторы час аршанец пачаў актыўна выкарыстоўваць гэтую карту. З яе дапамогай ён гасіў шматлікія даўгі.
Не прайшло і месяца, як мужчына выкраў парадку 600 літраў паліва на суму 982 рублі. Скраў ён гаручае ў свайго былога працадаўцы.
Калі апошні зразумеў, хто такім чынам яго абкрадае, звярнуўся ў праваахоўныя органы.
Неўзабаве зламысніка затрымалі. Цяпер яму трэба будзе адказаць перад законам за свае дзеянні. У дачыненні да мужчыны распачалі крымінальную справу за крадзеж.
