Мікалай Сцяпанавіч Палянкоў пражыў доўгае жыццё - 84 гады. І праславіўся як мастак, хаця быў яшчэ і выкладчыкам. Хаця карціны Палянкова былі на розныя тэмы, але найбольш ён запомніўся лірычнымі пейзажамі. Яго карціну "Бярозавы сок" Іван Шамякін уключыў у аўтабіяграфічную кнігу. Але былі і партрэты.
Напрыклад пасля аварыі на Чарнобыльскай атамнай электрастанцыі ужо не малады мастак выехаў у забруджаную зону дзе маляваў партрэты ліквідатараў.
Мікалай Сцяпанавіч нарадзіўся ў 1921 годзе ў Барані, да вайны паспеў адвучыцца ў Віцебску, а пасля вайны ў Растове. Зараз у мастацкай галерэі (у Езуіцкім калегіюме) ў гонар 100-годдзя мастака (19 снежня) адбываецца выстава твораў знакамітага мастака.
