Манумент месціцца на плошчы ў раёне варшаўскага Політэхнічнага ўніверсітэту. Гэта амаль цэнтр горада. Там згадваюцца найславуцейшыя бітвы, у якіх перамаглі польскія ваяры. не толькі польскія, а часам і не столькі яны, вядома, але польскі бок цікавіць свая гісторыя, гісторыя польскай зброі.
Згадваецца Ворша 1564 году. Гэта бітва пад Воршай часоў Лівонскай вайны. Пра яе orsha.eu рабіла асобнае відэа на ютуб-канале. Тады вайсковы геній Філона Кміты-Чарнабыльскага дапамог нашым войскам прагнаць маскавітаў. Такім чынам, і другая бітва пад Воршай завяршылася перамогай нашых продкаў. Сваёй перамогай тую бітву лічаць і палякі.
Дарэчы, неўзабаве пасля гэтага ВКЛ і Польшча аб’ядналіся ў адну дзяржаву — Рэч Паспалітую. Лівонская вайна стала бадай асноўнай прычынай той уніі.
Прапануем паглядзець, як выглядае помнік у Варшаве.
