110 год з дня нараджэння Сяргея Іванавіча Грыцаўца (6.7.1909-16.9.1939), савецкага лётчыка, першага двойчы Героя Савецкага Саюза (люты, жнівень 1939), удзельніка вайны ў Іспаніі, баёў на р. Халкін-Гол. Загінуў пры выкананні службовых абавязкаў у в. Балбасава Аршанскага р-на, дзе і пахаваны. Яго імем названа вуліца ў Оршы.
110 год з дня нараджэння Мікалая Іванавіча Альхоўскага (17.9.1909-26.8.1978), Героя Савецкага Саюза, удзельніка Вялікай Айчыннай вайны. У 1920-я гг. вучыўся ў 1-й Аршанскай сямігодцы і Аршанскім педагагічным тэхнікуме.
100 год з дня ўтварэння Беларускай Савецкай Сацыялістычнай Рэспублікі. Орша ўвайшла ў склад Магілёўскай губерні БССР (1.1.1919).
100 год з дня адкрыцця ў Оршы Пралетарскага ўніверсітэта – папярэдніка Аршанскага рабфака.
100 год з дня правядзення ў Оршы першага суботніка на чыгуначным вузле (27.9.1919).
100 год з часу адкрыцця ў Оршы школ і гурткоў ліквідацыі непісьменнасці (1919)
100 год з дня нараджэння ў Оршы Уладзіміра Георгіевіча Завадскага (13.1.1919-20.6.1992), Героя Савецкага Саюза, удзельніка Вялікай Айчыннай вайны. Яго імем названа вуліца ў Оршы.
На фота: У.Г. Завадскі.
100 год з дня нараджэння Івана Якаўлевіча Сяржантава (17.2.1919-29.4.1943), Героя Савецкага Саюза, удзельніка Вялікай Айчыннай вайны. Працаваў на Аршанскім мясакамбінаце, скончыў Аршанскі аэраклуб. Яго імем названа вуліца ў Оршы.
На фота: І.Я. Сяржантаў
100 год з дня нараджэння Анатоля Данілавіча Салянікава (19.7.1919-8.9.2010), Героя Савецкага Саюза, удзельніка Вялікай Айчыннай вайны. Яго імем названа вуліца ў Оршы.
На фота: А.Д. Салянікаў
100 год з дня нараджэння ў Оршы Пятра Міхайлавіча Раманоўскага (21.9.1919-23.9.1977), беларускага мастака, удзельніка Вялікай Айчыннай вайны.
На фота: П.М. Раманоўскі. Аўтапартрэт. 1974 г.
100 год з дня стварэння Аршанскай філіі арганізацыі “Пралеткульта” (1919).
100 год з дня адкрыцця сярэдняй школы №14 (першапачаткова была пачатковай школай) (24.10.1919).
95 год з часу заснавання ў Оршы швейнай арцелі (цяпер ГВФ “Світанак”) (1924).
95 год з дня перадачы Оршы ў склад БССР (3.3.1924).
95 год з часу заснавання ў Оршы сельскагаспадарчага і культурна-гістарычнага музеяў (1924) .
95 год з дня ўтварэння Аршанскай акругі (17.7.1924).
95 год з часу стварэння Аршанскага акруговага таварыства краязнаўства (1924).
95 год з часу заснавання Аршанскай метэаралагічнай станцыі (1924).
95 год з дня заснавання Дома адпачынку “Орша” (14.5.1924).
90 год з часу стварэння Аршанскага эксплуатацыйнага тэхнікума (цяпер каледж чыгуначнага транспарту) (1929).
90 год з часу ўвядзення ў строй будынка Клуба чыгуначнікаў (цяпер Дом культуры чыгуначнікаў) (1929).
Падрыхтаваў Віктар Лютынскі. Пачатак тут. Працяг будзе.
