Аповесць "Дзiкае паляванне караля Стаха" Уладзіміра Караткевіча перакладуць на кітайскую мову, інфармуе БЕЛТА. Выхад кнігі запланаваны на 2020 год да 90-х угодкаў з дня нараджэння знакамітага беларускага пісьменніка.
"Аднак неабходна пралічыць эканамічную выгаду, пачынаючы ад выдавецтва і заканчваючы паліграфічнымі паслугамі, а таксама прапрацаваць пытанні аўтарскага права, — сказаў намеснік міністра інфармацыі Ігар Бузоўскі. — Нас Кітай нацэліў на тое, што ўсе праекты павінны быць эканамічна цікавыя".
