У 1631 годзе маці Багдана Стэткевіча-Завірскага княгіня Ганна Агінская стварыла жаночы Успенскі Куценскі манастыр. Ён займаў тэрыторыю, якую сёння займае СШ №20, паварот дарогі вуліцы Флёрава і часткова гаражны кааператыў.

Першапачаткова тут пабудавалі царкву Успення Прысвятой Багародзіцы, але хутка яна згарэла і замест яе ўзвялі каменную царкву з прастолам імя Зыходу Святога Духа. У алтар царквы былі ўкладзеныя мошчы святых Вялікапакутнікаў: Панцеляймона, Арцемія, і Анастасія Персіяніна. Таксама ў царкве знаходзілася цудатворная ікона Казанскай Божай Маці. 8 ліпеня кожнага году, калі адзначаецца дзень гэтай іконы, да манастыру прыходзіла ад 5000 да 8000 паломнікаў, у тым ліку з Магілёву і Смаленску. Акрамя гэтай царквы на тэрыторыі манастыру дзейнічалі некалькі невялікіх драўляных цэркваў. Існавалі шматлікія жылыя і гаспадарчыя пабудовы. Падмуркі царквы даследвалі ся мала. Напрыканцы дзевяностых гадоў каля школы быў пастаўлены памятны камень, які нагадвае пра тое, што раней на гэтым месцы знаходзіўся манастыр.

Сённяшняя вуліца Чырвонаармейская ў Оршы ў 19-м стагоддзі насіла назву Манастырская, а могілкі на ёй зваліся Манастырскімі могілкамі, таму што з гэтай вуліцы адкрываўся від на абодва Куцеінскія манастыры.