Сур'ёзнае ДТЗ адбылося рана раніцай 4 лістапада, на аўтатрасе Віцебск - Гомель - Украіна. Аварыя здарылася на 181-м кіламетры дарогі М8 на тэрыторыі Аршанскага раёна. Раніцай па трасе праязджаў легкавы БМВ, за рулём якога знаходзілася 23-гадовая кіроўца. Разам з дзяўчынай у машыне ехала 48-гадовая пасажырка. Недалёка ад вёскі Антонаўка пад іншамарку з узбочыны раптоўна выбег лось.
- Наезду пазбегнуць не ўдалося. У дарожна-транспартным здарэнні пацярпелі дзяўчына-кіроўца і яе пасажырка. Абедзвюх жанчын даставілі ў гарадскі шпіталь Оршы, яны шпіталізаваныя. Па факце аварыі праводзіцца праверка, - заявілі ў прэс-службе ДАІ.
У Інспекцыі нагадалі пра неабходнасць выканання хуткаснага рэжыму, асабліва на участках дарог, пазначаных знакам «Дзікія жывёлы». Калі траса праходзіць побач з лясным масівам, асцярожнасць і захаванне хуткасці таксама не будуць лішнімі, асабліва на заходзе і ў цёмны час сутак.
