Аршанец С. заахвоціўся да наркотыкаў, быўшы старшакурснікам аднаго з мясцовых ССНУ. С. выпіваў ў начным клубе, і знаёмы для паўнаты адчуванняў прапанаваў дваццацідвухгадоваму хлопцу паспрабаваць «вітамінкі». Інфармацыя сайта Віцебскія весці.
- Гэта спецыяльныя таблеткі, каб алкаголь у крыві не адчуваць і ён хутчэй выветрыўся з арганізма, - падштурхоўваў той.
С. пагадзіўся выпрабаваць новыя адчуванні, і адчуў кароткачасовы кайф. Пра алкаголь той ноччу ён больш не ўспамінаў. Ён наогул страціў на час памяць, і хацеў застацца начаваць у начным клубе, сцвярджаючы, што там яго дом. Слава богу клапатлівыя сябры не кінулі і адвезлі дадому.
Наступнай раніцай галава моцна хварэла. Аднак праз тыдзень ён вырашыў паўтарыць. Тым больш той жа знаёмы зноў пачаставаў.
З часам С. зразумеў, што ўжо не можа без рэгулярнага ўжывання наркотыкаў. Ён набываў псіхатропы ў наркадылераў у Оршы і праз інтэрнэт-крамы. Жывучы з бацькамі і часткова за іх кошт, на куплю дурману марнаваў большую частку сваіх заробкаў. Родныя бачылі па вечарах спустошаны погляд С., парушаную каардынацыю рухаў. Але лічылі, што прычына гэтаму - стомленасць ад фізічнай працы на прыватніка.
Між тым кампанія ў С. была не заўсёды. Але аднаму ўжываць наркотыкі яму было сумна, і ён пачаў частаваць знаёмых. Калі тыя разумелі, што ўжо не могуць без чарговай дозы, С. прадаваў ім порцыі «белай смерці», якія сам купляў праз інтэрнэт. Фактычна ён зарабляў на перапродажы наркотыкаў. Прычым пры зносінах з кліентамі для канспірацыі аршанец выкарыстаў схаваны чат інтэрнэт-мессенджера Telegram.
У лютым гэтага года С. прапанаваў купіць порцыю псіхатропаў свайму даўняму кліенту У. І нечакана наткнуўся на адмову:
- Я вырашыў завязаць з гэтай дрэнню, запісаўся на курс лячэння. Мне спакойнае жыццё даражэй. І табе таксама раю задумацца, што такое хобі можа абгарнуцца праблемамі.
- Так купі для свайго суседа, што з намі аднойчы курыў, - прапанаваў С. - Ён табе потым аддасць грошы.
- У мяне цяпер з фінансамі туга, - парыраваў У.
С. працягваў угаворваць яго купіць псіхатропы, пагражаў праблемамі ў выпадку адмовы. Змарыўшыся ад размовы, той абяцаў падумаць, а сам адправіўся ў міліцыю і пра ўсё расказаў. Супрацоўнікі праваахоўных органаў прапанавалі У. паўдзельнічаць у выкрыцці наркадылера. У. пагадзіўся.
- Я куплю, - паведаміў ён С. ў мессенджер.
- Сустракаемся на Магілёўскай заўтра апоўдні, - напісаў у адказ С.
Пры сустрэчы У. перадаў прадаўцу 80 рублёў.
- За «солямі» трэба ехаць у Магілёў, - сказаў С. - Там набуду дозу ў дылера. Сам разумееш, разам нас з наркотой ніхто бачыць не павінен. Закладку зраблю ва ўмоўленым месцы, якое паведамлю табе сёння ўвечары.
У той жа дзень С. ў Telegram паказаў, дзе менавіта «пакупнік» можа забраць 0,5 грама альфа-PVP. Наркотыкі ляжалі ў скрутку ўнутры цыгарэтнай пачкі.
Маючы ўсе гэтыя звесткі, наркадылера супрацоўнікі праваахоўных органаў затрымалі.
Кажучы сухой мовай судовых дакументаў, за незаконныя з мэтай збыту набыццё, захоўванне, перавозку і незаконны збыт псіхатропнага рэчыва, С. прысуджаны да пазбаўлення волі на 9 гадоў 6 месяцаў з адбываннем пакарання ў папраўчай калоніі ва ўмовах строгага рэжыму.
