Орша, Здарэнні

Забойца на Якубоўскага

17.11.2019 19:55

3034 прагляду, 0 каментароў

Парушальнік на аўтамабілі праехаў на чырвонае святло і насмерць збіў сабаку.

У нядзелю на вуліцы Якубоўскага здарылася трагедыя. Невядомы на аўтамабілі спрабаваў паспець праехаць на зялёнае святло, хаця ўжо мусіў спыніцца, як распавядаюць відавочцы здарэння. Аўтамабіль рэзка паскорыўся, верагодна, перавысіўшы хуткасны рэжым, і збіў сабаку, які перабягаў дарогу. Жывёла загінула пад коламі. Дзяржаўтаінспекцыя пакуль не пацвердзіла гэтае здарэнне, хаця часцей за ўсё ні ў якія зводкі ці афіцыйныя абвесткі збіцці сабак і катоў на дарогах не трапляюць. Але тут асаблівая сітуацыя — адбылося гэта пры парушэнні правілаў дарожнага руху. Спадзяемся, нехта з мінакоў паспеў запісаць нумар аўтамашыны. Чакаем падрабязнасцяў.