Орша, Здарэнні

Гераінавы «падагрэў»

20.11.2019 08:00

2580 праглядаў, 0 каментароў

Аршанца злавілі на спробе даставіць гераін наўпрост у камеру пабрацімам.

Даволі незвычайнае злачынства адбылося ў Смаленску напярэдадні. Жыхар Оршы спрабаваў даставіць асуджаным гераін. Але супрацоўнікі УФСІН (Упраўленне Федэральнай службы выканання пакаранняў Расеі) даволі хутка яго заўважылі. А беларусу яшчэ і не пашанцавала — пасылку ён да вакна не дакінуў і зладзіў цэлы наркатычны дождж. Справа ў тым, што пакет са змесцівам, прывязаным да рэпчатай цыбуліны, зачапіўся за агароджу і разарваўся, паведамляе readovka67.ru. Але нават рэшткаў гераіну ў пакеце для экспертызы хапіла. Аказалася, што аршанец з турэмнага ж асяроддзя — ён раней сядзеў за разбой ў адной з расейскіх калоній.