Дзве аварыі за два дні адбылося на вуліцы Міра 19 і 20-га лістапада. 19 аварыя адбылася каля дома №15 па названай вуліцы. Легкавы аўтамабіль па нейкай прычыне выляцеў з дарогі на збочыну, зламаўшы дэкаратыўны плот, якім газон адгароджаны ад дарогі.
Другая аварыя адбылася ў сераду на той жа вуліцы ў раёне Усходняй. Тут легкавушка ўляцела ў зад мікраўтобусу. Ад "пацалунка" больш пацярпеў легкавы аўтамабіль - у яго пашкоджаны бампер. Нечаканымі ахвярамі гэтай даволі дробнай аварыі сталі іншыя аўтаўладальнікі, якія ў гэты час ехалі з боку Цэнтра. Яны патрапілі ў затор створаны з-за здарэння.
