У сувязі з каранавірусам Беларусь уводзіць дадатковыя абмежаванні. На гэты раз яны тычацца кіроўцаў міжнародных грузавікоў. Справа ў тым, што не зважаючы на закрытыя межы, грузы па свеце працягваюць перасоўвацца ў тым ліку і аўтамабільным транспартам - фурамі. Зразумела, што Беларусь як транзітная краіна таксама не можа забараніць рух грузаў па сваёй тэрыторыі, а дальнабойшчыкам дзесці трэба адпачываць, запраўляць машыны і есці. таму дзяржава выдзеліла некалькі месцаў на ўсіх галоўных трасах дзе кіроўцам грузавікоў можна будзе спыніцца - на гэтых месца будзе арганізаваны медычны кантроль.
Прадказальна, што такія прыпынкі для замежных кіроўцаў будуць і ў нашым рэгіёне. Самы вялікі з іх арганізаваны каля кавярні "Сустрэча" на Аршанскім скрыжаванні дзе перасякаюцца трасы Е95 і М1. Другі будзе ў Дубровенскім раёне каля самай мяжы з Расеяй.
З іншых суседніх раёнах яшчэ адзін пункт адпачынку арганізаваны ў Лёзненскім раёне каля мяжы з Расеяй. У астатніх месцах суседніх замежнікам спыняцца забаронена. Бліжэйшы пункты прыпынку па трасе М1 пад Барысавам. А па трасе Е95 - пад Быхавам і ў Гарадоцкім раёне.
