У жніўні мінулага года на Аршанскую станцыю хуткай дапамогі былі перададзеныя 8 аўтамабіляў. Але станцыя сёння аб’ядноўвае некалькі раёнаў і як мінімум тры машыны адразу паехалі ў суседні Талачынскі раён. Тады ў сацыяльных сетках нашага сайту пайшлі вялікія спрэчкі ці дапаможа такая дапамога Воршы прынцыпова.
Тым больш, што канкрэтных лічбаў машынаў хуткай дапамогі ў Воршы і ў якім яны стане, мы не ведаем.
Напэўна, адказам на гэтае пытанне можа стаць падзея, якая адбылася напярэдадні — Воршы далі яшчэ два аўтамабілі. Адпаведна, машынаў, якія былі перададзеныя ў жніўні, усё ж такі не хапае. Гэтыя дзве машыны будуць прыпісаныя непасрэдна да нашага горада і не чакаецца, каб іх перавялі ў суседнія раёны.
